Custom AI Solutions｜定制技術方案
你有技術需要？我哋同你一齊諗到落地
EverBuddy 為大學、研究團隊、政府、NGO 及服務機構提供研究與技術開發支援。
你未必一開始就知道應該用邊個模型、收集咩數據，亦未必已經有完整嘅研究方法。
你可以帶住一個研究問題、一套介入方案、一批數據，甚至只係一個而家仲未知道點樣解決嘅 technical need 嚟搵我哋。
我哋嘅經驗橫跨智能硬件、搜索推薦、大模型、語音 AI、Agent、知識庫、電腦視覺同數據研究。由問題定義、研究方法、技術架構，到建立真正可以測試同使用嘅系統，都可以一齊做。
傾下你嘅項目
唔只開發功能，亦一齊設計方法
研究方法與實驗設計
由研究問題、資料收集、實驗條件到分析框架，將一個研究構想變成真正可以執行同驗證嘅方法。
大模型與推薦系統
由資料準備、模型訓練及調整，到搜索、排序、推薦同效果評估，按實際問題選擇適合嘅方法。
Agent 與知識庫系統
建立可以查資料、使用工具、處理多步任務同管理知識嘅 AI 系統，包括工作流、結果檢查同錯誤處理。
語音、語言與無障礙互動
連接語音識別、內容理解、生成及語音合成，亦可以針對特定語言、文化或溝通需要設計專門流程。
多模態與長期數據分析
按項目需要結合語音、文字、影像、穿戴裝置、生理訊號或其他行為資料，處理 longitudinal、有限數據及跨場景分析問題。
智能硬件與實體感知
由設備控制、硬件調試，到影像辨識及 edge deployment，將 AI 由軟件延伸到真實使用環境。
以上只係其中一部分。
有其他技術需要，都可以先提出。我哋會先理解問題，再一齊判斷需要咩方法、數據同技術，而唔係用一套固定方案限制你。
我哋做過嘅嘢
以下包括團隊成員過往任職期間參與嘅工作、自主開發及研究項目，並非全部由 EverBuddy 承接。相關經歷用以交代團隊能力背景，不代表相關機構為 EverBuddy 客戶或合作夥伴。
由「搵唔到」到「一按就有」
團隊成員曾參與大型生活服務及電商平台嘅搜索、推薦及排序系統。
由使用者提出一個需要，到系統從大量資訊中搵出合適結果、排列優先次序，再根據實際行為持續改善，背後涉及召回、排序、模型訓練、用戶行為分析同系統優化。
團隊亦曾參與大型語言模型後訓練及實際搜索應用，累積由模型能力到大規模產品落地嘅經驗。
當金融文字要變成手語
成員曾參與金融服務無障礙應用項目，將普通金融文字轉化成供香港手語生成系統使用嘅結構化表達。
過程唔只係叫大模型「翻譯」，而係加入術語檢索、語法轉換、規則檢查、fallback、結構化輸出驗證，並同手語專家一齊反覆調整。
呢段經驗令團隊更早開始處理一個重要問題：
當一般 AI 未必適合某一類使用者，點樣重新設計整個 interaction workflow。
由一句話，到一段片
成員曾自主開發完整嘅語音 AI workflow，由語音識別、LLM 生成、語音合成，到字幕對齊同影片輸出。
系統亦加入 evidence checking、低信心 fallback 同品質檢查，令問題出現時可以知道錯喺邊一步，而唔係等到最後先發現結果唔可靠。
呢類經驗亦可以延伸到需要較高 reliability 嘅語音 AI 同多步工作流。
由機械人，到真實環境感知
團隊有智能硬件、機械人控制及電腦視覺研究經驗。
過往項目包括遙控機械人，以及利用影像辨識處理雙層巴士車廂乘客偵測與人數估算，當中需要處理遮擋、光線、動態模糊同運算資源限制。
呢啲經驗令團隊唔只考慮「模型準唔準」，亦會考慮一個系統放到真實世界之後到底用唔用得到。
當小朋友同 AI 傾偈
創辦人於劍橋大學修讀 MPhil 期間，團隊曾自主開發針對香港學童嘅對話式教育 AI 技術方案。
項目以英語對話練習為場景，同時探索學習模式、參與度、元認知及心理狀態相關嘅觀察方法。
呢段經驗亦形成團隊今日其中一個重要方向：
對話唔只可以回答問題，亦可以成為理解一個人、收集長期資料同提供個人化介入嘅入口。
我哋亦持續做緊 AI 研究
團隊目前亦有研究涉及 AI Agent reliability，包括多步任務中嘅錯誤恢復、verification 同 recoverability。
我哋關心嘅唔只係「AI 有冇做錯」，亦包括：
如果做錯，之後仲救唔救得返？
邊一個關鍵步驟值得額外檢查？
驗證本身會唔會反而增加風險或成本？
目前呢啲屬於通用 AI Agent 研究，未經醫療或長者照護場景驗證。相關研究主要幫助團隊思考，當 AI 日後需要執行更多真實操作時，點樣建立更可靠、更可控嘅工作流程。
技術研究與快速復現
團隊亦會持續跟進開源及學術研究，透過部署、復現同實驗，快速理解新方法係咪真正適合使用。
相關經驗包括 RAG、Agent、心理健康對話 AI 等技術。
當中屬於開源學習或功能復現嘅項目，我哋會清楚標示，唔會當成團隊原創研發或商業交付案例。
合作成果可以係甚麼？
最後交付嘅唔一定係一個 Model。
按項目需要，可以係：
- Research method 或實驗流程
- PoC / Prototype
- 對話式 AI 系統
- AI 模型及算法
- Agent 或知識庫
- 語音 AI workflow
- 多模態數據 pipeline
- Dashboard 及分析工具
- API 及系統整合
- 硬件或 sensing prototype
- Evaluation / validation tools
- 技術文件及部署支援